သံယောဇဉ်ဟူသော ကြိုးတစ်ချောင်း၏ အစနှစ်ဖက်အားတင်းတင်းဆွဲလျှင်ထွက်ပေါ်လာသောတုန်ခါသံ
သည်ချစ်ခြင်း၏ သံစဉ်ဖြစ်သည်ဆိုငြားအံ့ တုန်ခါမှု၏အကျိုးသက်ရောက်မှုသည် အချိန်အတိုင်းအတာ တစ်ခုတွင် ပြတ်တောက်ခြင်းဖြစ်ပေလိမ့်မည်...
မသေဆုံးမီ နေ၀င်ချိန်အားထိုင်ကြည့်ခွင့်ရသော လူနာတစ်ဦး၏ သက်တမ်းကုန်ဆုံးချိန်ကိုလည်း အားကျမိသည်။ ကျွန်တော့်ဘ၀မသေဆုံးမီ အလင်းရောင်ဟုသတ်မှတ်ထားသော သူမမျက်နှာအား တစိမ့်စိမ့်ကြည့်၍ နာကျင်မှုများကိုလျှော့ပါးချင်သည်။ မျှော်လင့်ခြင်း၏အဆုံးသတ်တွင် တမ်းတခဲ့ရသမျှ အားလိုက်ကာချပြီး နေ့သစ်၏မနက်ခင်းကို မူးယစ်ရီဝေခြင်းများနှင့်ဖွင့်လှစ်၍ စွန့်လွှတ်ခြင်း၏သားကောင် တစ်ကောင်အဖြစ် ရပ်တည်မိမည်ထင်သည်။ ပစ္စုပ္ပန်ကာလ သေအံ့မူးမူးလူတစ်ယောက်၏ အနာဂတ်သည်
မှောင်ရီဝိုးတ၀ါး....
ဝမ်းနည်းကြေကွဲမှုကိုညီမျှခြင်းချပါက အဖြေသည်အသည်းကွဲခြင်း ဖြစ်လိမ့်မည်။ မိမိဘာသာတန်ဖိုး ရှိသော သုညဘ၀မှ ဒသာမနောက်တွင်တွင်ရပ်တည်မိခဲ့၍ တန်ဖိုးမဲ့ခဲ့ပါလျှင်လည်း ထိုအဖြစ်ကို ကျေနပ်စွာ လက်သင့်ခံနေမည်ဖြစ်ပြီး ဒဿမရှေ့မှသူမကိုချစ်ခဲ့မိသည့်အတွက် နောင်တတစ်စိုးတစ်စိမျှ ရှိခဲ့မည် မဟုတ်ပါ။ သူမနှင့်အခြားသူတစ်ဦး၏ဖြောင့်ဖြူးသာယာသော လျှောက်လမ်းတစ်ခုအတွင်း ခလုတ်ကန်သင်း အဖြစ်ရပ်တည်မိခဲ့သည့်အတွက် မိမိကိုယ်ကို မြေကြီးအတွင်းဆွဲနှစ်လိုက်ခြင်းသည်သာလျှင် အသင့်တော် ဆုံးဖြစ်လိမ့်မည်။ မိမိချစ်သူအား ပိုင်ဆိုင်လိုခြင်းသည် မျှတသောအမှန်တရားဖြစ်သော်လည်း ၄င်းအား ဆန့်ကျင်သူ၏နှလုံးသားသည်လည်း ပိုမိုလေးနက်သော ချစ်ခြင်းတရားကိုဆုပ်ကိုင်ထားသည်ပဲလေ...
သူမပြုံး၍ ကျွန်တော်ပျော်သော်လည်း ကျွန်တော်ငို၍ သူမပါးပြင်မစိုစေချင်ပါ။ ကျွန်တော် သည်လည်း ပို့စ်မော်ဒန်လောက၏ တဖျတ်ဖျတ်လက်ခြင်းသဘောကဲ့သို့ သူမဘ၀အတွက်ခေတ္တ အလင်းရောင်ပေး၍ ပျောက်ကွယ်ပေးရတော့မည်။ ပျော်ရွှင်မှုနှင့်ယုယမှုများ အချိန်အတိုင်းအတာတစ်ခု အတွင်း အပြည့်အသိပ်ပေးလျှက် ထိုအချိန်ကုန်ဆုံးသောအခါ အကျိုးကျေးဇူးအဖြစ် သူမထံတွင် ဒဏ်ရာ အနည်းငယ်မျှ မကျန်ရစ်ခဲ့စေချင်ပါ....
ပုံမပျက်အောင် ဆေးရည်စိမ်ထားသော နှလုံးသားအားလှလှပပထုပ်ပိုး၍ နောက်ဆုံးအကြိမ် လက်ဆောင်အဖြစ် အမှတ်တရပေးချင်မိသည်။ ၄င်း၏ မျက်နှာစာတွင် '' မင်္ဂလာလက်ဖွဲ့ " ဟုခေါင်းစဉ် တပ်ရန်လည်း ကျွန်တော်မမေ့...
